التأمين الطبي : ليه مهم لشركتك ؟
التأمين الطبي هو أحد أشهر المزايا اللي المؤسسات المختلفة بتقدمها للعاملين بها , و بيتم عن طريق قيام الشركة بدفع كل أو جزء من اشتراك موظفينها السنوي في التغطية التأمينية أللي بتتعاقد عليها مع شركة تأمين.و في بعض الحالات بيكون التأمين متاح للموظف فقط او بيتم ضم عائلات كل الموظفين و مش بس كدة في بعض المؤسسات بتوفر للعاملين بيها الإختيار بين التأمين الصحي المحلي او التأمين الصحي الدولي اللي بيقدم التغطية و العلاج في دول اخري.
توفير التأمين الطبي بيحسن قدرة شركتك علي توظيف كوادر أفضل لأنه بيخلي الباكدج اللي بتقدمها أكثر تنافسية. و بالنسبة لموظفينك الحاليين ده بيزود من ولائهم لشركتك و رضاهم عن وضعهم الوظيفي. فطبقا لدراسة أمريكية للموظفين صدرت في 2018 اعتبر 55% من المشاركين ان التأمين الطبي هو أهم ميزة إضافية بتأثر علي الرضا بالوظيفة. و ده لأن تقديم ميزة التأمين الصحى بتضمن للموظف راحة البال و بتغطيه في أحد أهم الحاجات لأي شخص و هي الصحة , بالإضافة انها بتوفر عبء مصاريف العلاج و الدواء و انه يتحملها بالكامل في ظل إرتفاع اسعار الخدمات الطبية المختلفة خصوصاٌ العمليات.
ولأن الشركات بإختلاف احجامها بتتأثر بشكل كبير بأداء و سلوك العنصر البشري و بتسعي للحفاظ علي ولائة للمنظومة في ظل ان عملية تعويض رحيل أحد الموظفين بتكون متعبة و مكلفة . فإستخدام التأمين الطبي كوسيلة للحفاظ علي بقاء الموظفين و أداة لجذب موطفين جدد هو شئ بديهي لأي مسئول عن شركة و عايز يضمن تطورها للأفضل.
و عشان تقدر تختار تأمين طبي مناسب لشركتك , أمان ليك بتوفرلك اسهل طريقة تقدر من خلالها تعرف كل تفاصيل و أسعار عروض التأمين الصحى من شركات تأمين مختلفة في مصر و تقدر تقارن و تختار التأمين الطبي في دقائق أونلاين بكل شفافية و توفر علي نفسك وقت و مجهود.
و انت بتشتري تأمين لاول مرة لشركتك أو لو حتي بتجدد و بتدور علي عرض جديد تقدر اضغط هنا وقارن بين العروض المختلفة من أفضل شركات التأمين.