بتدور على أفضل تأمين سيارات شامل؟ أرخص سعر؟

دخل بيانات عربيتك وقارن عروض تأمين السيارات المختلفة

Enter your car details and get your insurance in few minutes

العروض دلوقتي جاهزة
دخل البيانات بالاسفل للإستمرار
تم إدخال رقم تليفون غير مصري, هل تحتاج التأمين داخل مصر أم خارجها؟
إذا كان لديك رقم اخر لواتساب، برجاء ادخاله بالاسفل؟

٤ خطوات سهلة للحصول على تأمين السيارات من أمان ليك

  1. دخل بيانات عربيتك وإضغط علي أظهر العروض
  2. قارن بين أفضل العروض - ولو في حاجة مش واضحة ومحتاج تفهمها تواصل معانا وهنساعدك
  3. اختار البرنامج المناسب ليك وأرفع صورة الرخصة وهنتواصل معاك لتحديد ميعاد المعاينة وانت في مكانك (ولو عربيتك زيرو ممكن متحتاجش معاينة)
  4. مندوبنا بيجيلك لحد عندك وبتحصل علي وثيقة تأمين السيارات بعد إصدارها في نفس اليوم

    سجل بياناتك وهنتواصل معاك في أسرع وقت






    تأمين السيارات : الدليل الشامل من أمان ليك      

     

    تأمين السيارات الشامل :

    هو نوع من تأمين الممتلكات يغطي مخاطر الحوادث المختلفة اللي ممكن تتعرضلها السيارة كالتصادم, السطو و السرقة و الحريق. عن طريق تعويض مالك العربية المشترك في التأمين الشامل عن الحوادث من خلال إصلاح السيارة أو دفع قيمة السيارة السوقية في حال تعرضها لا قدر الله للهلاك الكلي (حادث لا يمكن إصلاحه).

    ويطلق عليه التأمين التكميلي.

    و يقوم مبدأ التأمين علي حصول الفرد علي التغطية التأمينية في مقابل إشتراك سنوي يدفع لشركة التأمين و اللي بتقوم بتحصيل إشتراكات من أعداد كبيرة من الأفراد بهدف توزيع المخاطر و تقديم تعويضات للحوادث اللي بتحصل لسيارات أي من المؤمن عليهم (مش كل المشتركين في التأمين هيتعرضوا لحوادث في نفس السنة).

    مميزات الحصول علي تأمين السيارة الشامل:

    أكبر مميزات تامين السيارات الشامل هي راحة البال اللي بيكتسبها الشخص عند حصوله علي بوليصة تأمين من شركة ذات سمعة جيدة. و إن الواحد بيكون مطمن و عنده ثقة أنه لا قدر الله في حالة التعرض لحادثة هيلاقي التأمين معاه و بيساعده من خلال تعويضه لإصلاح العربية. و ده بيخليك متتحملش تكلفة مصاريف الإصلاح من جيبك و اللي مع أسعار السوق حالياً بتوصل لأضعاف سعر اشتراك تأمين السيارات في حوادث ممكن تكون نسبياً بسيطة فتخيل لو كانت لا قدر الله حادثة كبيرة و مضطر تدفعها من جيبك لو مش معاك تأمين لعربيتك.

    مقالات: سبع أسباب للتأمين علي سيارتك في مصر ( أقرأ المزيد)

    تأمين السيارات دلوقتي بقى أونلاين مع أمان ليك هتقدر تقارن بين عروض التأمين الشامل للسيارة وتحصل على افضل سعر مع خدمة عملاء مميزة من خلال موقع أمان ليك بتقدر أنك تقارن ما بين العروض و الأسعار من الشركات المختلفة بشكل فوري. وتكتشف كل التفاصيل عشان تختار اللي يناسبك وتأخد قرار شراء التأمين بكل ثقة. من غير ما تلف و تدور كتير علي شركات أو تشتري مباشرة من المعرض بدون معرفة تفاصيل الوثيقة و الخيارات المختلفة المتاحة في السوق .

    ليه أمان ليك هو أفضل مكان لحصولك علي تأمين السيارات؟

    1- الحصول علي عروض متنوعة بشكل فوري أونلاين في دقائق

    2- معرفة تفاصيل العروض و المقارنة بينها لإختيار الأنسب

    3- بتقدر توفر في قيمة تأمين عربيتك لوجود أسعار تنافسية من شركات متعددة

    4- المساعدة في إجرائات المعاينة و الإصدار للحصول علي البوليصة في أسرع وقت (خلال نفس اليوم)

    5- خدمة عملاء إضافية من خلال أمان ليك للمساعدة في إستخدام البوليصة

     

    الفرق بين التأمين الشامل و تأمين السيارات الإجباري

    قبل الدخول في تفاصيل تغطيات التأمين الشامل علي السيارات ,لازم نوضح الفرق ما بينه و ما بين التأمين الإجباري اللي بنحصل عليه في المرور خلال ترخيص السيارة و الفرق أن التامين الإجباري علي السيارات:

     

    • بيستخدم لتغطية حالات الوفاة أو العجز التي تلحق لأي شخص من حوادث السيارة إذا وقعت في مصر بحد أقصي 40,000 ألف جنيه تعويض في حالات الوفاة أو العجز الكلى المستديم
    • تغطية الخسائر التي تلحق بممتلكات الغير بحد أقصى عشرة الآف جنيه ما عدا تلفيات المركبات

     

    اما بالنسبة لتأمين السيارات التكميلي (الشامل) تكون تغطياته الاساسية:

    1-التلف أو الهلاك اللي بتتعرض له السيارة في حالات:      
    • التصادم أو إنقلاب السيارة بسبب حادث
    • الحريق أو الصاعقة أو الإنفجار الخارجي أو الإشتعال الذاتي
    • الفعل المتعمد من الغير
    • أثناء النقل أو الرفع و الإنزال
    2-حالات السطو و السرقة و اي تلفيات ناتجة عنها و عن الشروع فيها

     

    كيفية حساب سعر التأمين علي السيارات :

    أسعار تأمين السيارت بتختلف من شركة لأخري و كمان ممكن في نفس شركة التأمين بيكون في أكتر من برنامج  بمميزات مختلفة  لتلبية إحتياجات العملاء المختلفة. و بيتم إحتساب قيمة الإشتراك السنوي للتأمين كنسبة مئوية من سعر السيارة السوقي لو مستعملة أو سعر الشراء لو السيارة جديدة.

    مبدأ النسبية:

    وهو إمكانية التأمين علي جزء من قيمة السيارة الإجمالية و في المقابل يتم التعويض بشكل نسبي في حالة المطالبة. ( مثال: التأمين علي قيمة المبلغ المتبقي لصالح البنك في حالة شراء السيارة بالتقسيط – بحيث يقوم التأمين بتغطية قيمة قرض البنك من القيمة الكلية للسيارة و في حالة المطالبة بتعويض يكون بنسبة مساوية لما يمثله القيمة المؤمن عليها "قيمة القرض" من السعر السوقي الإجمالي للسيارة)

    نقاط المقارنة الرئيسية بين برامج التأمين على السيارات المختلفة :

    النقاط دي بتبقي مهمة أنك تعرفها و قت شراء البوليصة عشان يبقي في مقارنة عادلة بين البرامج المختلفة مش بس قائمة علي السعر و لكن كمان علي مجموعة المزايا اللي بتحصل عليها من البوليصة.

    1-التحمل:

    هو جزء بيقوم العميل بدفعه من تكلفة الإصلاح/التعويض -  فكرة التحمل أنه بيخليك تشارك شركة التأمين في التعويض و ده بيخلي عندك حرص أكبر علي عدم الخسارة علي عكس لو مفيش تحمل نهائياً وبيبقي في نوعين من التحمل

    • التحمل الإختياري:
      • بيكون نسبة مئوية مذكورة في البوليصة بيتحملها العميل من تكلفة الإصلاح
      • لو زادت نسبة التحمل ده بيخلي سعر البوليصة يقل
      • وممكن تخلي نسبة التحمل 0% وده بيخلي سعر البوليصة عالي لكن بيخليك متطمن إن شركة هتدفع كل تكلفة الإصلاح ماعدا التحمل الثابت
      • في معظم البرامج بيكون في نسبة تحمل أعلي للإصلاح داخل التوكيل ويمكن حذفها حسب رغبة العميل
    • التحمل الإجباري:
      • هو قيمة متفق عليها في البوليصة بيتحملها العميل في أي تعويض علي سبيل المثال العميل بيتحمل أول 200 جنيه من قيمة الإصلاح لكل حادث
    2-شبكة مراكز الصيانة المتعاقدة مع شركة التأمين لتوفير الإصلاح المباشر:
    • كل شركة بتكون متعاقدة مع عدد من مراكز الخدمة المتخصصة في إصلاح السيارت للأنواع المختلفة. وبيكون من الأفضل إنك تصلح من خلال المراكز اللي داخل الشبكة لأن ده بيوفرلك ميزة التصليح بدون دفع كاش من فلوسك إلا نسبة التحمل لو وجدت و بيتم دفع الحساب من خلال شركة التأمين لمركز الصيانة مباشرة.
    3- محضر الشرطة:
    • عشان تطلب تعويض من شركات تأمين السيارات بتحتاج تقدم محضر الشرطة لإثبات الحادث. لكن حسب البوليصة ممكن ميكونش مطلوب منك محضر الشرطة للتعويضات اللي بتكون أقل من قيمة معينة (علي سبيل المثال تعويضات إصلاح تكلفتها أقل من عشرة الاف جنيه)
    • قيمة التعويض المقبولة بدون الحاجة لمحضر شرطة بتكون ميزة جيدة في حالة أنك محتاج تستخدم التأمين في إصلاح حوادث بسيطة أنت متوقع ان قيمتها مش هتكون أكتر من الحد المذكور في البوليصة. و بالتالي بتوفر لنفسك وقت و مجهود عمل محضر الشرطة.
    4- المميزات الإضافية :

    تقوم شركات التأمين بتقديم برامج تحتوي علي مجموعة من المميزات الإضافية زي:

    • خدمات المساعدة علي الطريق ( ونش , بطارية , تزويد وقود في حال نفاذه )
    • توفير سيارة بديلة
    • تغطيات إضافية للتأمين علي قائد السيارة و الركاب ضد العجز و الوفاة نتيجة حادث

    المميزات الإضافية ممكن تشوفها رفاهية أو إضافات مش مهمة في ظل أنها بتزود سعر البوليصة.  بس وقت لما تتعرض للموقف هتقدر قيمتها بشكل كبير زي خدمات المساعدة علي الطريق أو السيارة البديلة.

    طريقة إصدار بوليصة تأمين السيارة:

    بعد الإستقرار علي البوليصة المناسبة و تحديد السعر بيتم تنسيق ميعاد لمعاينة السيارة لو هي مستعملة من قبل مندوب من شركة التأمين و في الفحص الفني بيتم تأكيد علي حالة السيارة و لو فيها تلفيات موجودة بيتم إستثنائها من التغطية

    لكن لو العربية زيرو بعض الشركات بتقوم بالمعاينة و البعض الأخر بيقبل جواب المعرض لإصدار البوليصة بدون معاينة و بعد الإنتهاء من المرحلة ديه بيتم الدفع و إستلام البوليصة في الحال أو تسليمها للعميل ديليفري لحد عنده

    كيفية إستخدام تأمين السيارة :

    عند حصول حادث لا قدر الله و نتج عنه تلفيات في السيارة بيتم إتباع الخطوات التالية للحصول علي التعويض من شركة التأمين المتعاقد معها:

    1- إخطار شركة التأمين بالحادث في اسرع وقت

    2- تقديم كافة البيانات و المستندات القانونية الخاصة بالحادث ( كمحضر الشرطة في حال تخطت التلفيات القيمة المذكورة في البوليصة لإشتراط وجود المحضر )

    3- تقدير قيمة التلفايات وتكلفة الإصلاح وذلك بعمل مقايسة في المكان اللي عايز تصلح فيه عربيتك وتقديمها لشركة التأمين

    4- إصلاح السيارة وارسال الفواتير لشركة التأمين لإسترداد التعويض

    شروط أساسية لضمان الموافقة علي الحصول علي التعويض:

    1- عدم حصول الحادث تحت تأثير المخدرات أو المشروبات الروحية

    2- عدم حصول الحادث نتيجة لإستخدام السيارة في التسابق

    3- حدوث الحادثة أثناء قيادة شخص غير مرخص له بالقيادة

    4- عدم مخالفة قواعد المرور اثناء الحادث مثل السير عكس الاتجاه

     

    إستثاءات لا يغطيها التأمين (يمكن إضافة بعضها باشتراك إضافي):

    1- التلف خلال الحروب, أعمال الشغب والتمرد و حوادث الإرهاب

    2- الكوارث الطبيعية مثل الزوابع و الأعاصير و الفيضانات .. إلخ

    3- المصادرة من خلال السلطات العسكرية أو المدنية

    و من خلال أمان ليك هتقدر تحصل علي تأمين السيارات بكل سهولة وفي أسرع وقت وكمان هتكون مطمن و واثق في قرار شرائك للتأمين عشان هتشوف العروض و تختار الأنسب و لو أحتجت مساعدة عشان تقرر أو تفهم التفاصيل بيساعدك خبرائنا عشان توصل لأفضل بوليصة تناسب إحتياجك.


    "أمان ليك" هيساعدك تختار برنامج التأمين الأنسب ليك

    هتبقى متطمن لأنك هتوصل بسهوله لمسئول حسابك على تليفونه الشخصي

    "أمان ليك" بيوضحلك الاسعار بكل شفافيه ومابياخدش منك أى مصاريف أو عمولات

    معانا هتبقى اشتريت راحة بالك بأقل مجهود وأحسن سعر


    بتدور على نوع تأمين تاني ؟

    أمان ليك بيوفرلك أفضل البرامج من شركات التأمين الموثوق فيها, إختار نوع التأمين اللي انت محتاجة